ADISA (Agency for the Delivery of Integrated Services Albania) është Agjencia e Ofrimit të Shërbimeve Publike të Integruara, në varësi të Kryeministrisë.
ADISA ka si mision të veprimtarisë së saj transformimin e mënyrës së ofrimit të shërbimeve publike në Shqipëri, përmes qasjes me qytetarin dhe përmirësimin e shërbimeve me natyrë administrative për qytetarin dhe biznesin. Gjithashtu, misioni i saj është të ofroj një model të ri dhe të integruar të shërbimeve publike, duke vendosur në qendër qytetarin, si dhe qendrave të shërbimeve publike të integruara me një ndalesë (one-stop-shop), për shërbimet që kryhen nga institucionet dhe agjencitë e qeverisë qendrore dhe/ose të njësive të qeverisjes vendore sipas legjislacionit në fuqi ose marrëveshjeve përkatëse.
OBJEKTIVAT DHE FUNKSIONET
Përmirësimi dhe lehtësimi i jetës së qytetarëve në ofrimin e shërbimeve publike
Qendrat e Integruara
Ndarja funksionale e Zyrës Pritëse nga Zyra Përgjegjëse për lëvrimin e shërbimit, ofrimi i shërbimeve publike në sportel si dhe zhvillimi i kanaleve të ofrimit të tyre
Ri-inxhinierimi
Ri-inxhinierimi i proceseve të ofrimit të shërbimeve për qytetarët dhe bizneset, duke përfshirë reformën në fushën ligjore, TIK dhe atë institucionale
Zëri i Qytetarit
Marrja e opinionit të qytetarëve si dhe garantimi i saktësisë së informacionit për procedurat administrative
Monitorimi
Monitorimi i cilësisë dhe transparencës në ofrimin e shërbimeve publike ndaj qytetarit në sportelet pritëse si dhe monitorimi i performancës së administratës shtetërore