Monthly Archives: February 2016

Në dt. 15 shkurt u organizua takimi prezantues mes Ministrisë së Inovacionit dhe Administratës Publike dhe programit ISDA me konsorciumin Deloitte Albania, Deloitte Consultants & Jacobs, Cordova and Associates, që do të angazhohet në kryerjen e ri-inxhinierimit të shërbimeve në fokus të programit, duke punuar ngushtë me institucionet. Në fjalën përshëndetëse, Ministri i Shtetit për Inovacionin dhe Administratën Publike, Znj. Milena Harito, njoftoi për fillimin e procesit të ri-inxhinierimit të shërbimeve publike të ofruara nga 11 institucionet, duke theksuar se reforma në shërbime publike mbetet një prioritet i Qeverisë Shqiptare, si dhe mbështetjen maksimale në të gjitha nivelet e Shtetit për këtë reformë. Ekipi i Deloitte Albania kryesuar nga Partner/Drejtuesi i Departamentit Consulting [...]

Ministria e Inovacionit dhe Administratës Publike prezantoi në datë​ 5 shkurt arritjet e vitit 2015 dhe objektivat për vitin 2016. Në fjalën e mbajtur në këtë aktivitet Zj. Milena Harito theksoi rëndësinë e aktivitetit të secilës nga agjencitë në varësi të kësaj ministrie. “Duke avancuar secili fitojmë të gjithë”, u shpreh ajo.   Drejtori i Përgjithshëm i ADISA, Z. Albenc Koni, prezantoi arritjet e vitit 2015, ndër të cilat janë: inventarizimi për herë të parë i shëbimeve publike (më shumë se 1400 shërbime), kodimi unik për çdo shërbim, standardizimi i formularëve të aplikimit dhe marrja në administrim i sporteleve pritëse të Zyrave të Regjistrimit të Pasurive të Paluajtshme Tiranë duke [...]